2023-7-30 藝苗@JCI 視藝義教班
💚藝苗 & JCI 藥餘計劃
30多位基層兒童參加
藥「勿」胡亂棄2023繪畫比賽
主題：回收藥物、保護環境
🌸感謝營運總監Mani姐姐策劃本次活動，由李Sir帶領視藝義教團隊授課，課前準備好相關資料，講解主題切入點，從現實世界，走進藝術世界，引導孩子去想象和創造方法。課堂學生都好認真創作，每個學生都有他們新想法，表達在紙上。短短一個半小時，大部分學生都能完成作品。
🌸休息期間，有個食物分享環節，每個小朋友都帶了美味食物，原來在分享自已美味小食，是快樂的過程，自已又可以享受其他小朋友的美味小食。
🌸接著「藥餘計劃」講座，先由萬寧藥劑師 Johnny Yung 哥哥，詳細藥物分類、正確使用、藥劑師角色和日常工作。之後由太平山青年商會會長Fung Kong講解藥物棄置問題，藥物如隨意掉到廁所、或掉到一般垃圾桶，將會嚴重污染海洋、河流、土地，藥物會被微小物、魚類、動物、吸收，食物鏈最後禍及人類。香港在藥物回收工作上還是落後和不足，希望通過民間發起的活動，讓政府部門重視藥物回收重要性。講座讓家長、學生，認識回收藥物急切性，將藥物集中掉到指定的藥物回收箱。
🌸講座十分精彩，問答環節，孩子都十分積極。
感謝：幹事郭生、廖建新，理事阿思和眾義工，幫手搬檯椅、布置收拾，辛苦了！
家長的話：
孩子們今日好開心呀，除咗可以同朋友一齊去畫畫之外，仲可以開派對，不但可以食到自己平時食開嘅零食，還可以嘗試到唔同嘅食物，雖然開頭係有少少唔捨得分享自己嘅零食，但係最後佢哋個個都食得好開心😁明白到原來共享食物，都會有另一種滋味和快樂！
最重要係佢哋明白，原來抗生素係一定要食完整個療程嘅，專業人士講嘅好過爸爸媽咪講👍🏻家長們都學到很多處理藥餘嘅知識，感恩🙏🏻
家長的話：
睇返片才知道，原來兩個仔仔（陳奕竣，陳奕皓）都有被訪問可否分享自己的零食，我私下問佢地的時候，佢地就話原來大家都拎左不同的零食去分享，所以最後係有好多零食可以選擇，好開心，奕竣話分享左俾梁浩軒哥哥，不過冇提起有姐姐訪問佢地，都係比較怕羞。
睇到咁多小朋友的畫作時候，媽媽都覺得好驚喜，大家都好有創意同心機去畫畫，將成個過程當作去玩，所以畫作也很繽紛多彩，見到都充滿快樂同陽光。
陳奕竣話佢幅畫，畫左貓仔同狗仔，因為貓貓狗狗係人類最好的朋友，如果啲藥丸上面有貓貓狗狗的樣子，咁大家一定更加唔會亂棄，畫中加左彩虹🌈，因為彩虹帶俾人們朝氣同希望，係彩虹🌈之上，希望以後人人都不亂棄置藥物，白雲會幫助我們回收♻藥丸，令地球只有蔚藍天空同五彩的花朵🌸。
陳奕皓話佢畫左一個好大的屋企，係好多好多變質的藥丸圍成的，亂棄置藥物的人被藥丸狠狠地包圍住，叫救命都冇用。外面的人想拯救被變質藥物包圍的人，係藥丸屋企插上回收♻的彩色旗幟，教佢地如何回收藥物學識自救。
😆😆媽媽聽著都覺得小朋友們真係好厲害，個個腦洞大開，想象力太豐富，感謝大會俾這次機會小朋友們參與，有冇得獎其次，最重要的是參與其中，學習到原來藥物是不可亂棄置，中有特定的時間同地點可提供回收♻，真係好環保。👏🏻👏🏻👏🏻👏🏻👍🏻👍🏻👍🏻👍🏻👍🏻
藝術夢飛翔計劃
ESG委員會
藝苗「惜」物 綠社區 衣物回收箱計劃
藝術傳承
#ESG #環保 #愛地球 #保護地球 #愛社區 #擁抱愛 #ManiKwok
